Архангай

Ар ус ундарга” ХХК нь 1991 онд байгуулагдаж Цэцэрлэг хотын гэр хороолол, орон сууцны айл өрх, албан газруудыг ундны болон ахуйн цэвэр усаар хангах, гарсан бохир усыг татан зайлуулах, нийтийн халуун усны үйлчилгээ, орон сууцны сантехникийн дуудлагыг хүлээн авах , инженерийн байгууламж шугам сүлжээний засвар үйлчилгээ зэрэг үндсэн үйл ажиллагаануудыг явуулж байна.

Дэлгэрэнгүй

Баян-Өлгий

1992 онд цэвэр , бохир ус, ус сувгийн шугам сүлжээний байгууламжуудыг нэгтгэсэн Аймгийн Ус сувгийн товчоог дангаар нь зохион байгуулсан байна. 1997онд хуучин НААҮ-ний газрын суурин дээр тус тусдаа үйл ажиллагаа явуулж байсан Ус сувгийн товчоо, орон сууц ашиглалтын контор хоёр нэгдэж Нийтийн аж ахуй үйлчилгээний газар болон зохион байгуулагдсан байна.

Дэлгэрэнгүй

Баянхонгор

“Чандмань-Баянхонгор” ХК нь анх 1965 онд Үйлчлэх товчоо нэртэйгээр аймгийн төвийн хүн ам, албан газрууд, орон сууцыг халаалт, ус хангамж, ариутгах татуурга,хог тээвэр, халуун ус, зочид буудал, тохижилт үйлчилгээгээр хангах зориулалттайгаар үйл ажиллагаагаа эхэлэн түүхтэй. Улмаар 2001 оны 11 дүгээр сард аймгийн Иргэдийн Төлөөлөгчдийн Хурлын Тэргүүлэгчдийн 37 дугаар тогтоолоор 2001.11.07-ны өдрөөс “ЧандманьБаянхонгор” ХХК болсон юм.

Дэлгэрэнгүй

Булган

Булган аймгийн ИТХ-ын тэргүүлэгчдийн 2001 оны 07-р сарын 05-ны өдрийн 64-р тогтоолоор хоёр байгууллагыг нэгтгэн НААЭХ-ний газар болгосон. Мөн аймгийн ИТХ-ын тэргүүлэгчдийн 2003 оны 44 тоот тогтоолоор орон нутгийн өмчит Дулаан ус хангамж НАА-н “Булган Мээж” ХХК болж зохион байгуулагдан үйл ажиллагаагаа одоог хүртэл явуулж байна.

Дэлгэрэнгүй

Говь-алтай

“Ундарга-Алтай” ААТҮГ нь 1938 онд НААҮГ “Хантайшир хийдийн артель” нэртэйгээр үйл ажиллагаагаа эхлэж 2003 оны 07-р сарын 15-ны өдрийн Аймгийн ИТХ-ын тогтоолоор “Ундарга-Алтай” гэсэн нэртэй болж 2018 оны Хуулийн этгээдийн улсын бүртгэлийн тухай хуулийн шинэчлэлийн дагуу Аж Ахуйн Тооцоот Үйлдвэрийн Газар болон өөрчлөлтүүд орж Алтай хотынхоо хүн амд цэвэр ус хангамж, ариутгах татуурга, шугам сүлжээний найдвартай тасралтгүй үйл ажиллагааг ханган ажиллаж байна.

Дэлгэрэнгүй

Говьсүмбэр

Түлш эрчим хүчний яамны сайдын 1991 оны 7 дугаар сарын 20-ны өдрийн 117 дугаар тушаалаар Чойрын Эрчим хүчний үйлдвэр нэртэйгээр Улаанбаатар хотын төвийн эрчим хүчний системийн харъяанд байгуулагдан үйл ажиллагаа явуулж эхэлсэн. 1997 онд Говьсүмбэр аймгийн засаг даргын А/09 тоот захирамжаар НААҮ-ний УС-ДУ компани, 2014 онд НААҮ-ний УСДУ компани нь УСДУ ОНӨААТҮГ болж 100 хувь орон нутгийн өмчит байгууллага болсон.

Дэлгэрэнгүй

Говьсүмбэр

1999 онд ГСА-ийн Засаг даргын захирамжаар “Талын илч” ОНӨААТҮГ-аар байгуулагдан дулаан үйлдвэрлэлийн чиглэлээр үйл ажиллагаагаа явуулж эхэлсэн. 2009 оноос үйл ажиллагаагаа өргөжүүлэн цэвэр ус олборлон түгээх, бохир ус татан зайлуулах, орон сууцны шугам хоолойн засвар үйлчилгээний үйл ажиллагааг 24 ажилчин албан хаагчтайгаар ГСА-н Баянтал сумын 16 албан байгууллага, орон сууцны 139 айл өрхийг дээрх үйл ажиллагаагаар хангаж ажиллаж байна. Нийт ажилчин албан хаагчдын 90%-ийг залуу боловсон хүчин эзэлдэг.

Дэлгэрэнгүй

Говьсүмбэр

1989 онд Дорноговь аймгийн ЭХНҮ-ийн захирлын 25 тоот тушаалаар анх үүсгэн байгуулагдсан. Үндсэн үйл ажиллагаа нь дулаан үйлдвэрлэн түгээх, цэвэр ус олборлон түгээх, бохир усыг татан зайлуулахад оршино.

Дэлгэрэнгүй

Дархан уул

Бурхантын хөндийд Дархан хотын суурийг тавьсантай зэрэгцэн тэртээ 1965 оны 3 дугаар сарын 17-ны өдөр БНМАУ-ын Сайд нарын зөвлөлийн 68 дугаар тогтоолоор “Ус сувгийн товчоо” нэртэйгээр Цэвэр усны анги, сувагжуулах анги, засвар цех, автограш, цахилгаан диспетчер зэрэг анги салбаруудтай 34 ажлын байртай байгуулагдан тулгын чулуугаа тулж гал голомтоо анх асаасан түүхтэй бөгөөд Дархан Уул аймгийн ИТХ-ын тэргүүлэгчдийн 2003 оны нэгдүгээр сарын 15-ны өдрийн 09 дүгээр тогтоолоор орон нутгийн өмчит хувьцаат компанийн хэлбэрт шилжин үйл ажиллагаа явуулж байна.

Дэлгэрэнгүй

Дорноговь

1999 онд Аймгийн Орон сууц, нийтийн аж ахуйн газар, Эрчим хүчний үйлдвэр гэсэн томоохон 2 аж ахуйн нэгжийг нэгтгэснээр Сайншанд хотын албан байгууллага, аж ахуйн нэгжүүд, иргэд, хэрэглэгчид, орон сууцанд оршин суугчдын усан хангамж, ариутгах татуурга, дулаан хангамж, хот тохижилтын ажил үйлчилгээг хариуцан эрхлэх чиг үүрэг бүхий “Чандмань-Илч” Улсын Үйлдвэрийн Газар болон өргөжсөн. Аймгийн Засаг даргын 2003 оны 07 дугаар сарын 10- ны өдрийн 232 тоот захирамжаар “Чандмань- Илч” ОНӨ ХХК болж өөрчлөгдсөн.

Дэлгэрэнгүй

Дорнод

Зүүн бүсийн тулгуур төв Дорнод аймгийн Чойбалсан хотын ус хангамжийн 63 км, ариутгах татуургын 25.1 км, дулаан хангамжийн 23 км шугам сүлжээ, түүний насос, тоног төхөөрөмж, тоноглолын ашиглалт үйлчилгээг хариуцан ажиллаж буй манай хамт олон нь гүний 8 худаг, хоногт 10000 м3 ус цэвэршүүлэх хүчин чадалтай төмөр шүүх байгууламж, ус ариутгах төхөөрөмж, 6000 м3 багтаамж бүхий ус нөөцлөх сав, хоногт 28300 м3 ус дамжуулан шахах хүчин чадал бүхий хангамжийн нэгдсэн цогцолбороор 63.3 км ус түгээх шугамаар хотыг цэвэр усаар тасралтгүй хангах үүргийг гүйцэтгэдэг.

Дэлгэрэнгүй

Дундговь

“Дундговь-Ус” ОНӨААТҮГ нь 1942 онд аймгийн Иргэдийн хурлын 79 дүгээр тогтоолоор анх “Үйлчлэх товчоо” нэртэй байгуулагдаж нийтийн аж ахуйн байгууллагын үндэс суурин дээр үйл ажиллагааг нь залгамжилан Мандалговь хотын гэр хорооллын 8951 хүн амыг 17 ус түгээх байраар, орон сууцны 1705 өрх, 157 албан газар аж ахуй нэгжийг төвлөрсөн цэвэр усаар хангах, бохир усыг татан зайлуулж цэвэрлэн халдваргүйжүүлэх, нийтийн халуун ус, нам даралтын зуухны ашиглалтыг тусгай зөвшөөрлийн хүрээнд хариуцан ажилладаг орон нутгийн өмчтэй, аж ахуйн тооцоот үйлдвэрийн газар юм.

Дэлгэрэнгүй

Зүүнхараа

”Цант-Орхон” ХХК-ийн ариутгах татуурга цэвэрлэх байгууламжийг Зүүнхараа хотын “Спирт бал бурам” комбинатын захиалгаар ОХУ-ын “МИНПРОМ”проeктын зургаар барих шийдвэр гарч Улаанбаатар хотын “НАБСАН”компани гүйцэтгэгчээр ажиллаж 1989 онд барилга байгууламжийн ажил эхэлж 1999 онд ашиглалтанд орсон нь тус компаний үйлдвэрлэл үйлчилгээний үндсэн суурь нь болсон.

Дэлгэрэнгүй

Замын Үүд

Замын-Үүд дэд бүтцийг сайжруулах төсвийн хүрээнд 2010 оны 05 дугаар сард Монгол Улсын Зам тээвэр, барилга хот байгуулалтын яам, БНХАУ-ын Чайна камк инженеринг ХХК-ийн хооронд байгуулсан гэрээгээр өнөөгийн Үйлдвэрийн газрын үндэс суурь тавигдсан. Үйлдвэрийн газрыг үүсгэн байгуулж дүрмийг баталснаар үйл ажиллагаагаа эхлүүлэх, хэрэглэгчдийг найдвартай дулаанаар хангах таатай орчин бүрдсэн. "Замын-Үүд Дулааны Станц Төрийн өмчит Үйлдвэрийн газар нь өнөөдрийн байдлаар Чөлөөт бүс болон сумын айл өрх албан байгууллагыг дулааны эрчим хүч, ахуйн хэрэглээний халуун усаар хангах, мөн эрчим хүчний зохицуулах зөвлөлөөс олгосон тусгай зөвшөөрөлтэйгөөр дулааны эрчим хүч үйлдвэрлэх, дамжуулах, түгээх үйл ажиллагааг хариуцан гүйцэтгэж байна.

Орхон

Эрдэнэт ус, дулаан түгээх сүлжээ ОНӨХКомпани нь 1974 онд Эрдэнэт хорооны Нийтийн аж ахуйн салбар, 1976 онд Эрдэнэт хотын НААҮ байгууллага, 1989 оноос Эрдэнэт хотын Орон сууц нийтийн аж ахуйн газар, 1999 оноос Эрдэнэт-Ус үйлдвэрийн газар, 2003 оноос “Эрдэнэт ус, дулаан түгээх сүлжээ” ОНӨХК болон зохион байгуулагдсан хөгжлийн ТҮҮХЭН замналтай хотын ууган байгууллагын нэг юм.

Дэлгэрэнгүй

Өвөрхангай

“Онги Ус Суваг” ОНӨААТҮГазар нь Арвайхээр сумын албан байгууллага, аж ахуй нэгж, иргэдийг стандартын шаардлага хангасан цэвэр усаар тасралтгүй хангах, хэрэглээнээс гарсан бохир шингэнийг татан зайлуулж цэвэршүүлэх, төвийн хэсгийн таван зуухны дулааныг дамжуулах тэдгээртэй холбогдсон засвар үйлчилгээг хариуцах үндсэн үүрэгтэй ажиллаж байна.

Дэлгэрэнгүй

Өвөрхангай

Өвөрхангай аймгийн ИТХ-ын Тэргүүлэгчдийн 2011 оны 12 дугаар сарын 13 -ны өдрийн 89 тоот тогтоолоор зуун хувь орон нутгийн өмчит “Хархорин -Ус суваг “ ОНӨААТҮГ байгуулагдан 2012 оны 5 дугаар сарын 01 -ний өдрөөс үйл ажиллагаа явуулж эхэлсэн. Манай байгууллага хамт олон “Аливаа барилгын амин судас нь- сантехникийн систем юм” гэсэн уриатайгаар ажилдаа сэтгэл зүрхнээсээ хандаж Хархорин сумынхаа түүхэн бүтээн байгуулалтанд гар бие оролцож яваа бахархам хүмүүс билээ.

Дэлгэрэнгүй

Сүхбаатар

1962 онд Баруун-Урт хотын АДХГЗ-ны харьяа “Үйлчлэх товчоо” нэртэйгээр байгуулагдсан ба 1972 онд Үйлдвэрлэлийн хоршоололтой нэгдэн НААҮГ болон зохион байгуулагдсан.

Дэлгэрэнгүй

Сэлэнгэ

Сэлэнгэ аймгийн Иргэдийн төлөөлөгчдийн хурлын Тэргүүлэгчдийн 2005 оны 10-р сарын 25-ны өдрийн 78 дугаар тогтоолоор НААГ“Урсгал ус” ХХКомпани, Сэлэнгэ аймгийн ИТХ-ын Тэргүүлэгчдийн 2021 оны 07 дугаар сарын 02-ны өдрийн 61 дүгээр тогтоолоор “Сэлэнгэ цэнгэг ус” ОНӨААТҮГазар болон өөрчлөгдөн үйл ажиллагаагаа явуулж байна.

Дэлгэрэнгүй

Төв

2005 онд Төв Чандмань-ДЭХГ /ОНӨААТҮГ/ болон үүсгэн байгуулагдсан бөгөөд манай хамт олон нь 6 алба 284 ажилтантайгаар Зуунмод хотыг дулаан хангамж, Усан хангамж, ариутгах татуурга, Орон сууц, СӨХ-ний үйлчилгээг үзүүлэн үйл ажиллагаа явуулж байна.

Дэлгэрэнгүй

Увс

Увс аймагт НААҮ-ний байгууллага нь анх 1951 онд “Иргэдэд үйлчлэх товчоо” нэртэйгээр байгуулагдсанаас хойш эдүгээ 70 жилийн ой тохиож гавъяат үйлстнүүдийн түүхийг өгүүлсэн нэгэн жаран жилийн түүхэн хуудас мөнхлөгдөн бичигдэж байна.

Дэлгэрэнгүй

Хөвсгөл

Хөвсгөл Ус Суваг” ХХК нь анх 1931 онд Артель нэртэйгээр байгуулагдан үйл ажиллагаагаа явуулж эхэлсэн ба 2016 оноос одоог хүртэл “Хөвсгөл Ус Суваг” ХХК нэртэйгээр үйл ажиллагаагаа явуулж байна.

Дэлгэрэнгүй

Хөтөл

1983 оны 11-р сарын 01 нд Хөтөлийн Цемент Шохойн комбинатын харъяа Ус хангамж ариутгах татуургын алба нэртэйгээр анх байгуулагдсан. 2006 оны 11-р сард Сэлэнгэ аймгийн ИТХТ-ийн тогтоолоор “Гавшгай- Ус” ХХК болон тус тус өөрчлөгдсөн.

Дэлгэрэнгүй

Ховд

НААҮ-ний “Шим-ус “ ОНӨААТҮГазар нь 1950 онд “Нийгэм хангамжийн товчоо” нэртэйгээр байгуулагдан эх сууриа тавьсан. Улмаар 1971 онд Нийтийн аж ахуйн яам байгуулагдаж, Нийтийн Аж Ахуй Үйлчилгээний Газар болж, 2007 оноос НААҮ-ний “Шим-ус” Орон нутгийн өмчит аж ахуйн тооцоот үйлдвэрийн газар болсон.

Дэлгэрэнгүй

Хэнтий

Нийтийн аж ахуйн үйлчилгээний “Хэнтий УС “ ХХК нь 2001 онд усан хангамж , ариутгах татуурга ашиглалт, дулаан хангамж ,барилга засварын чиглэлээр үйл ажиллагаа явуулахаар Хэнтий аймгийн татварын албанд шинэчлэгдэн бүртгэгдэж НААҮ эрхлэх барилга угсралт ,дулаан үйлдвэрлэл зэрэг тусгай зөвшөөрөл эзэмшиж , захиргаа аж ахуй , усан хангамж ,ариутгах татуурга ашиглалт, ,дулаан хангамж, , сантехникийн засвар үйлчилгээ ,авто граж, нийтийн халуун ус, бэрх тосгоны дулааны станц гэсэн салбар нэгжтэй 205 ажиллагсадтай үйл ажиллагаагаа явуулж байна.

Дэлгэрэнгүй

Хэнтий

“Бор-Өндөр Хот Тохижилт” ОНТҮГ нь анх 2006 онд байгуулагдсан. Манай байгууллага нь “Хоггүй тохилог орчныг бид бүрдүүлнэ” гэсэн эрхэм зорилготойгоор доорх үндсэн үйл ажиллагааг эрхлэн явуулж байна. Үүнд: Нийтийн эзэмшлийн зам талбайн цэвэрлэгээ үйлчилгээ Айл өрх, ААНБ-ын хог хаягдлыг ачиж тээвэрлэн устгах Бохир усыг татан зайлуулах, цэвэрлэх Гудамж талбайн гэрэлтүүлгийн засвар үйлчилгээ Ус түгээх байр болон зөөврийн усан хангамжийн үйлчилгээ зэрэг үйл ажиллагаа явуулдаг.

Дэлгэрэнгүй

Дархан шарын гол

“Дулаан шарын гол” ТӨХК нь Шарын гол сумын хэрэглэгчдийг ус, дулаанаар хангаж бохир усыг татан зайлуулах үүрэгтэйгээр Шарын голын уурхайн уурын зуухны цех хэлбэрээр анхны суурь тавигдсан түүхтэй. 2010 оны 03 сарын 25-ны өдрийн 121 тоот тогтооолоор Төрийн өмчит хувьцаат Компаний хэлбэрээр ажиллаж байна.

Дэлгэрэнгүй

Хөвсгөл

2021 оноос ХСУХАТАҮЗЗөвлөлөөс олгодог Нийтийн аж ахуйн ажил, үйлчилгээ эрхлэх Тусгай зөвшөөрлийг авч жуулчны бааз болон аж ахуйн нэгж байгууллагын инженерийн байгууламж, шугам сүлжээний угсралт, зүгшрүүлэлт тохируулгын ажлыг хийж, ашиглалтыг гэрээгээр хариуцан ажиллаж эхлээд байна. Улмаар 2013 оноос эхлэн Хөдөлмөр, халамжийн үйлчилгээний газраас сантехникч, гагнуурчны мэргэжил олгох сургалт явуулах эрхийн Тусгай зөвшөөрөл авч сантехникч, гагнуурчин, ус түгээгч, зуухны машинистын мэргэжил олгох, чадавхижуулах, дадлагажуулах сургалтуудыг аймгийн хэмжээнд амжилттай зохион байгуулж, МСҮТ-ийн суралцагчдыг үйлдвэрлэлийн дадлагажуулах сургалтыг явуулж, төгсөгчдийг ажлын байраар хангах ажлыг зохион байгуулж ирлээ.

Дэлгэрэнгүй

Өмнөговь аймаг

Ханбогд сумын хувьд анх 1969 оноос дулаан үйлдвэрлэх түгээх ажил эхлэж ус халаагуурын зуух ашиглан үйл ажиллагаагаа явуулж эхэлсэн түүхтэй юм.1986 онд Эрчим хүч нэртэйгээр, 1997 оноос одоог хүртэл“Хандизель” ОНӨААТҮГазар нэртэйгээр үйл ажиллагаа явуулж байна.

Дэлгэрэнгүй

Өмнөговь аймаг

1958 оны намар нэгдлийн шеф Улаанбаатар хотын Нийгэм ахуйн барилга трестээс бага оврын мотор ирүүлж ажиллуулснаас эрчим хүчний үйл ажиллагааны эхлэл тавигдсан түүхтэй.Сумын уурын зуух 1970 онд Дунд сургууль баригдахад хамт баригдаж,сургуулийн харьяанд ажиллаж,дизель станц нэгдлийн харьяанд ажиллаж байгаад,1996 онд Эрчим хүчний салбар нэртэй бие даасан байгууллага болж хөгжсөн түүхтэй. Улмаар 2000 оноос Цог-Өрнөх Орон нутгийн өмчит аж ахуйн тооцоотой үйлдвэрийн газар гэж нэрлэгдэх болсон.

Дэлгэрэнгүй

Өмнөговь аймаг

“Шугшаа уул” ОНӨААТҮГ ” нь 2016 оны 01 сарын 22-ны өдөр Гурвантэс сумын ИТХ-ын шийдвэрээр үүсгэн байгуулагдсан.

Өмнөговь аймаг

Тус компани нь 1954 оноос эхлэн Даланзадгад сумын аж ахуйн нэгж, байгууллага, иргэдийн цэвэр ус болон хог зөөврийн үйлчилгээг хариуцсан “Халуун ус” нэртэйгээр байгуулагдаж үйл ажиллагаагаа эхэлсэн. Монгол улсын Засгийн газрын 1999 оны 159 дүгээр тогтоолоор “Нийтийн аж ахуйн салбарыг хувьчлах хөтөлбөр” батлагдан гарсан бөгөөд Төрийн өмчийн хорооны 2001 оны 133 дугаар тогтоолоор батлагдсан “Нийтийн аж ахуй үйлчилгээний байгууллагыг хувьчлах журам” -ын дагуу тус аймагт зарлагдсан “Гүний-ус” ХХК-ийг менежментээр удирдах төсөлд шалгарсан.

Дэлгэрэнгүй

Завхан

Завхан аймагт НААҮ-ний үндсэн суурь 1930 онд Халуун ус нэртэйгээр тавигджээ. 2021 оны 02 дугаар сарын 24-ний өдрийн 09 дугаар тогтоолоор “Амь-Ус” ХХКомпани болон өөрчлөгдөн зохион байгуулагдсан байна

Дэлгэрэнгүй