Монгол Улсад Орон сууц, нийтийн аж ахуйн салбар үүсэж хөгжсөн түүхт 92 жилийн ойг тохиолдуулан салбарын байгууллагуудын ажил мэргэжлийн онцлог, амжилт бүтээл, ур чадварыг олон нийтэд сурталчлах, харилцан туршлага солилцох, ажилтнуудын мэдлэг ур чадварыг сонгон шалгаруулах зорилгоор 2023 оны 10 сарын 6-7-ны өдрүүдэд “АЖИЛ МЭРГЭЖЛИЙН УРАЛДААН-2023”-ыг БХБЯам, ХСУХАТАҮЗХороо, БХТөв, “МНААҮХолбоо” МТББ, ТТДээд сургууль хамтран зохион байгууллаа.
Уралдаанд аймаг орон нутгаас 8 баг, нийслэлээс 4 баг нийт 12 байгууллагын багт 1 инженер, 1 сантехникийн засварчин оролцож батлагдсан удирдамжийн дагуу Онолын мэдлэг үнэлэх, Ур чадвар үнэлэх 2 үе шаттай даалгавар гүйцэтгэлээ.
Уралдааны даалгаврыг 2 үе шатын нийлбэр дүнгээр шалгарууллаа.
НЭГДҮГЭЭР БАЙР Орхон аймгийн “Эрдэнэт ус, дулаан түгээх сүлжээ” ОНӨХК-ийн баг ( Инженер Ж.Отгонбаатар, Засварчин Олзбаяр)
ХОЁРДУГААР БАЙР Дорноговь аймгийн “Чандмань Илч” ОНӨХХК-ийн баг ( Инженер Л.Алтангэрэл, Засварчин Э.Идэрцогт)
ГУРАВДУГААР БАЙР Улаанбаатар хот “Хүрээ Хаус” ХХК-ийн баг (Инженер Л.Молотов Засварчин М.Мягмаррагчаа)
ТУСГАЙ БАЙР Дархан Уул аймгийн “Дархан ус суваг” ХК-ийн баг (Инженер Ц.Зол-Эрдэнэ, Засварчин Б.Батбаатар)
ТУСГАЙ БАЙР Баян Өлгий аймгийн “СУАТ” ХХК-ийн баг (Инженер Б.Ерханат, Засварчин Б.Аманбол)
ШИЛДЭГ ИНЖЕНЕР Улаанбаатар хот Багануур дүүргийн “Багануур Ус” ААТҮГазрын баг инженер Б.Гэрэлтуяа
“АЖИЛ МЭРГЭЖЛИЙН УРАЛДААН-2023”-ыг хамтран зохион байгуулагчид болон ивээн тэтгэгчид “Баялаг говь” ХХК, “ECM Биллинг төв” ХХК, “Смарт найз” ХХК, “Ухаа худаг-Ус хангамж” ХХК, мөн оролцогч байгууллагууддаа талархал илэрхийлж ажлын амжилт хүсье.
