Бид Орон сууц, нийтийн аж ахуйн үйлчилгээний салбарын байгууллагуудын инженер техникийн ажилтныг мэргэшүүлэх, ажиллагсдыг бэлтгэх, мэргэжил, мэдлэг, ур чадвар, ёс зүйг дээшлүүлэх мэргэжлийн сургалтыг амжилттай зохион байгуулан ажиллаж байна.
Энэхүү ажлын хүрээнд Дорнод аймгийн “ДОРНОД НАА” ОНӨААТҮГазартай хамтран “Цэвэр, бохир усны насосны станц, УДДТ-н Машинистын мэргэжил” олгох сургалтыг зохион байгуулж, инженер техникийн ажилтнуудад мэргэжлийн зөвлөгөө, зөвлөмж өгч ажиллалаа.
Сургалтад 30 ажилчин идэвхи санаачлагатай оролцож, мэргэжил мэдлэгтэй болж “машинист” гэсэн мэргэжлийн чадамжийн гэрчилгээ гардан авч Монгол орны аль ч аймагт ажиллах эрхтэй боллоо.
Сургалтыг мэргэжлийн чадварлаг багш нар, зөвлөх инженерүүдийн хамт байгууллага дээр нь очиж богино хугацаанд олон ажилчин хамруулан зохион байгуулсан бөгөөөд сургалтад хамрагдсан ажилчид маш өндөр сэтгэгдэлтэй байлаа.
Бид салбарын ажилчдад мэдлэг, чадварыг эзэмшүүлэхээс гадна мэргэжлийн зөвлөгөө өгч чадварлаг ажилчидтай болох сонголтыг тань үргэлж дэмжин ажиллах болно.